Gender tengligi

O‘zbekiston Respublikasida xotin-qizlar va erkaklarning teng huquq va imkoniyatlarini ta’minlash, xotin-qizlarning ijtimoiy va iqtisodiy faolligini oshirish, shuningdek, ularning kasbiy rivojlanishini qo‘llab-quvvatlash davlat siyosatining muhim yo‘nalishlaridan hisoblanadi. 2026-yilda O‘zbekiston Respublikasi Prezidenti Shavkat Mirziyoyev xotin-qizlarning zamonaviy kasblar, tadbirkorlik va axborot texnologiyalari sohalaridagi ishtirokini kengaytirish zarurligini ta’kidladi.

Mazkur yo‘nalish doirasida Kontent-markaz qizlar va xotin-qizlarning media va raqamli kontent sohasidagi kasbiy ko‘nikmalarini rivojlantirish, shuningdek, ularni media mahsulotlar yaratish jarayoniga jalb etishga qaratilgan ta’lim va media loyihalarni amalga oshirmoqda.

Ta’lim loyihalari

Ta’lim jarayonlari onlayn va oflayn shakllarda tashkil etilib, O‘zbekistonning turli hududlaridan ishtirokchilarni qamrab oladi. Dasturlar nazariy tayyorgarlikni amaliy mashg’ulotlar bilan uyg’unlashtirib, ishtirokchilarni zamonaviy media ishlab chiqarish, raqamli kommunikatsiyalar va sun’iy intellekt vositalari bilan tanishtiradi.

Debyut
123 nafar ishtirokchi blog yuritish, videokontent yaratish va zamonaviy media formatlari bilan ishlash asoslarini o‘zlashtirdi.

Media Start

5 543 nafar ishtirokchi media mahsulotlar yaratish asoslarini o‘zlashtirib, kontent yaratish bo‘yicha amaliy ko‘nikmalarga ega bo‘ldi.

SMM & AI savodxonligi

Ishtirokchilar SMM vositalari, raqamli platformalar va kontent yaratishda sun’iy intellekt texnologiyalaridan foydalanish ko‘nikmalarini o‘zlashtirdilar.

Yosh mobilograflar maktabi

Ishtirokchilar mobil foto va videotasvirga olish, montaj hamda vizual kontent yaratish asoslarini o‘zlashtirdilar.

Mediakontentda xotin-qizlar

Kontent-markazning media loyihalarida xotin-qizlarning ishtiroki turli yo‘nalishlarni qamrab oladi: intervyu va podkastlar, ijtimoiy va ma’rifiy loyihalar, mualliflik videokontenti, kasbiy faoliyat va tadbirkorlikka oid materiallar, shuningdek, sayohat, madaniyat va kundalik hayotga bag’ishlangan loyihalar. Ushbu formatlar orqali xotin-qizlarning turli sohalardagi tajribasi, faoliyati va g’oyalari yoritiladi.

Xotin-qizlar ishtirokida quyidagi loyihalar amalga oshirilgan:

Aralim
Doira.official
Keng uyning kelinchagi
Ko‘z tegmasin
Mikrofon ko‘targan ayol
Otawishinde Podcast
Safar.O‘zbekiston
Shifo TV
Sinchalak
Start-up yo‘li
Uzbek Power

Kontent-markaz xotin-qizlarning media sohasidagi ishtirokini qo‘llab-quvvatlashni davom ettirib, ularga ta’lim olish, amaliy faoliyat olib borish va o‘z kontent loyihalarini amalga oshirish imkoniyatlarini taqdim etmoqda.

Bizning loyihalarimiz

Smm maktab